Главная » 2013 » Январь » 30 » Հարկային բարեփոխումներ արտագնա տուրիզմի բնագավառում
23:42
Հարկային բարեփոխումներ արտագնա տուրիզմի բնագավառում
Տուրիստական Կազմակերպությունների ուշադրությանն ենք ներկայացնում 2013թ-ի հունվարի 1-ից ուժի մեջ մտած օրենսդրական բարեփոխումների շնորհիվ ոլորտի հարկման դաշտի պարզեցման և հարկային բեռի թեթևացման մասին մեր մեկնաբանությունները: Մինչ բարեփոխումները բոլորիս հայտնի էր, որ արտագնա տուր-փաթեթների վաճառքից ԱԱՀ-ով հարկվող շրջանառություն էր համարվում տուր-փաթեթի ամբողջ արժեքը, այն դպքում երբ տուրիստական կազմակերպությունները այդ գործարքներից որպես եկամուտ ստանում են որոշակի տոկոսով միջնորդավճար: 2013թ.-ի հունվարի 1-ից ուժի մեջ մտած օրենսդրական բարեփոխումների շնորհիվ տուր-փաթեթների վաճառքից ԱԱՀ-ով հարկվող շրջանառություն է համարվում միջնորդական վճարը (Հոդված 34. Զբոսաշրջության գործունեության մասով ԱԱՀ-ով հարկվող շջրանառությունը որոշվում է սույն օրենքի 8 հոդվածին համապատասխան՝ առանց միջազգային ուղևորափոխադրման համար զբոսաշրջային օպերատորի կամ զբոսաշրջային գործակալի կողմից վճարվող գումարի: Օտարերկրյա զբոսաշրջիկին մատուցվող զբոսաշրջային ծառայությունները, ինչպես նաև զբոսաշրջիկային գործակալությունների կողմից մատուցվող գործակալական ծառայություններն ազատվում են ավելացված արժեքի հարկից, եթե այդ ծառայությունների շրջանակներում ուղևորությունները, ճանապարհորդությունները, էքսկուրսիաներն իրականացվում են Հայաստանի Հանրապետության տարածքում:
Հոդված 8. ԱԱՀ-ով հարկվող շրջանառությունը որոշվում է հետևյալ կարգով Կոմիսիոների կամ գործակալի անունից հանդես գալու պայման նախատեսող գործակալության պայմանագրով ապրանքների մատակարարման կամ ծառայությունների մատուցման դեպքում, երբ իրականացվող գործարքը ենթակա չէ ԱԱՀ-ով հարկման, այդ թվում` այն դեպքերում, երբ ֆիզիկական անձի գույքի օտարման գործարքը ապրանքի մատակարարում չի համարվում, կոմիսիոների կամ գործակալի մոտ ԱԱՀ-ով հարկվող շրջանառություն է համարվում համապատասխանաբար` կոմիսիոների կամ գործակալի վարձատրության գումարը (առանց ԱԱՀ-ի): Իսկ ինչ վերաբերվում է տուր փաթեթի ընդհանուր արժեքին, այն հարկվող գործարք չէ, քանի որ ծառայության փաստացի մատուցում տեղի է ունեցել օտաերկրյա տարածքում, որի վրա ԱԱՀ-ի մասին ՀՀ օրենքը չի տարածվում: